Long live Vinobran

Podgorica (mozakUbime) - Nakon što je Veterinarska inspekcija objavila izvještaj da je prošle godine nakon inspekcije naložila uništenje skoro 150 tona mesa i mesnih prerađevina zbog miješanja istog sa vinobranom, što je strogo zabranjeno, ekipa mozakUbi.me je razgovarala sa nekoliko vlasnika mesara i velikih megamarketa u kojima je isti pronađen.

Oni su nam u razgovoru otkrili da, iako znaju da je to zabranjeno, moraju da stavljaju vinobran u meso jer to od njih zahtijevaju kupci, a kupac je uvijek u pravu.

- „Nemojte što zamjeriti! Nije do nas već do kupaca. Istina mi smo prvi krenuli sa stavljanjem vinobrana u meso i nakon što nam je rečeno da to više ne radimo mi smo prestali. Ipak mušterije su se navukle, da tako kažemo, na vinobran i, nakon što nam je naloženo da isti više ne miješamo sa mesom, počeli su da nam dolaze u objekte sa apstinencijalnim sindromom i zahtijevaju ono meso od prošli put.

- Kupac je uvijek u pravu i mi moramo da im izađemo u susret. Mi brinemo o našim mušterijama te zato i stavljamo vinobran. Radije ćemo platiti kaznu a da nam mušterije budu zadovoljne nego da je drugačije. Šta da se radi!? MORAMO!!“

Izvor slike © http://viktorhanacek.com/